Ndahen çmimet e gazetarisë ekonomike – Çipa: Stimul për produkte mediatike cilësore. Inkurajojmë gazetarinë profesionale
Për të 13-in vit radhazi Unioni i Gazetarëve Shqiptarë ka ndarë çmimet “Vangjush Gambeta” për gazetarët e ekonomisë nga Shqipëria, Kosova dhe Maqedonia e Veriut. Gjithashtu, për herë të parë u nda edhe çmimi “Ismet Bellova” për gazetarët sportivë, i cili iu akordua gazetarit Kosta Grillo, pas vdekjes.
Kreu i Unionit, Aleksandër Çipa e konsideroi dhënien e këtyre çmimeve si një stimul për gazetarinë cilësore, ndërsa nxiti gazetarët për raportime profesionale të mëtejshme. E pranishme në ceremoninë e ndarjes së çmimeve ishte edhe kryetarja e Kuvendit, Lindita Nikolla e cila përgëzoi gazetarët në misionin e tyre për informimin e publikut.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.