Ndalimi i Huawei dhe gara e 5G – Deutsche Telekom i jep një mundësi Nokia që të ndryshojë produktet

Deutsche Telekom i ka bërë thirrje furnitorit Nokia që të përmirësojë produktet, për të fituar biznesin e instalimit të rrjeteve wireless 5G të grupit gjerman në Europë. Sipas dokumenteve të  analizuara nga Reuters,  grupi gjerman e ka konsideruar Nokia si performuesin më të keq ndër të gjithë furnitorët e 5G. Megjithatë, përballë kufizimeve të Huawei, që është furnitori kryesor i pajisjeve, Deutsche Telekom ka vendosur t’i japë Nokia një tjetër shans, sipas dokumenteve.

Liderët e Deutsche Telekom pritet të prezantojnë një strategji të përditësuar për kalimin e pajisjeve të rrjeteve nga shitësit tek bordi, pas Kongresit Botëror të Celularëve në Barcelonë në fund të muajit.

Gatishmëria e Deutsche Telekom për t’i dhënë Nokia një tjetër mundësi vë në dukje vështirësitë e kompanive përballe presioneve nga SHBA dhe vendeve aleate për të ndaluar Huawei nga rrjetet 5G. Washingtoni ka akuzuar Huawei se pajiset e kompanisë mund të përdoren për spiunim nga Pekini, një akuzë që firma kineze e mohon.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.