Ndalohet dhënia me qira e apartamenteve për turistët – Gjoba deri në 400,000 euro për ata që shkelin kufizimet e reja
Është kryeqyteti i një prej destinacioneve më të njohura të pushimeve në Europë dhe është gjithashtu qyteti i parë në Spanjë i cili ndalon pronarët e shtëpive të japin me qira apartamentet e tyre për turistët.
Do të ketë gjoba deri në 400,000 mijë euro për ata që shkelin kufizimet e reja, të cilat hyjnë në fuqi në muajin korrik.
Masat paralajmërojnë se turistët nuk do të jenë më në gjendje të marrin me qira apartamente në banesa rezidenciale.
Megjithatë do të kenë mundësinë të marrin me qira shtëpi në zona jo rezidente dhe vila.
Ky vendim ka ardhur në mes të një debate për mbipopullimin e vendeve nga turistët anembanë Europës.
Sipas El Pais, numri i apartamenteve turistike të palicencuara në Palma u rrit me 50% midis 2015 dhe 2017, ndërsa çmimet e qirasë për banorët janë rritur me 40%.
Gazeta spanjolle gjithashtu vuri në dukje se vetëm 645 nga 20,000 apartamente kanë licencën e duhur.
Ankesat e banorëve lidhur me çështjet me akomodimin turistik janë rritur gjithashtu dukshëm. Mallorca ka më shumë se 10 milionë vizitorë çdo vit.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.