“Ndërhyrjet në TVSH krijojnë deformime” – Ekspertët: Qeveria të bëjë kujdes, nxitet informaliteti

Ekspertët e ekonomisë sugjerojnë që të bëhet kujdes me ndërhyrjet në sistemin fiskal sa i përket Tatimit mbi Vlerën e Shtuar, pasi politikat përjashtimore nuk janë të shëndetshme për shkak të deformimeve që shkaktojnë.  Në një intervistë për SCAN ekspertët Adrian Civici dhe Selami Xhepa, shprehen se sidomos kur bëhet fjale për TVSH-në, ndërhyrjet duhet të jenë të mirëmenduara.

Ekspertët  theksojnë gjithashtu se mund të bëhet një lehtësim i barrës fiskale për të gjitha bizneset, pasi ndarjet sektoriale do ta çojnë sistemin vite pas dhe mund të nxitet informaliteti.

Qeveria po diskuton propozimin për heqjen e tatim fitimit dhe të TVSH-së për bizneset e vogla deri në vitin 2029, por ende nuk ka dhënë detaje se cila kategori do të përjashtohet, si do të funksionojë zinxhiri dhe marrëdhëniet biznes-biznes apo biznes-konsumator.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.