Ndërmarrjet e vogla dhe të mesme, ja si do të ndahet fondi prej 400 mln lekësh. Kriteret e përfitimit dhe afatet kur nis aplikimi

Publikohet në Fletoren Zyrtare dhe hyn në fuqi vendimi për financimin e granitit “Nënprogrami i mbështetjes financiare për ndërmarrjet mikro, të vogla dhe të mesme (NMVM)”, të programit “mbështetje për ekonominë”.

Sipas vendimit të qeverisë, mbështetja financiare për këto ndërmarrje për vitin 2017 kap shifrën e  400 000 000 (katërqind milionë) lekësh, të cilën do ta administrojë, sipas akteve ligjore dhe nënligjore në fuqi, Agjencia për Zhvillimin Ekonomik Rajonal.

Në vendim janë përcaktuar kriteret e përfitimit dhe harta e shtirjes së financimeve në të gjitha qytetet e vendit. Po kështu janë përcaktuar edhe skemat e mbështetjes për këto ndërmarrje.

Vendimi ka të përcaktuar gjithashtu edhe afatet e aplikimit për fondin e mbështetjes financiare. Kështu, thirrja e parë për aplikim do të jetë brenda javës së tretë të muajit Prill, ndërsa thirrja e dytë brenda javës së tretë të muajit Maj.

Osman Dedja/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.