Ndërmjetësimi ligjor i detyrueshëm – Ligji i ri, mosmarrëveshjet deri 1 milion lekë, jo më në gjykata

Mosmarrëveshjet e vogla kontraktuale apo pasurore me vlerë deri në 1 milionë lekë nuk do të zgjidhen më nga gjykatat, por nga ndërmjetësit ligjorë të licencuar.

Kuvendi ka miratuar sot në parim propozimet për ndryshimin e ligjit për ndërmjetësimin, i cili parashikon që këto çështje me vlerë të vogël financiare mos të shqyrtohen më nga gjykata por vetëm nga ndërmjetësuesit ligjorë.

Ministrja e Drejtësisë Etilda Gjonaj tha në Komisionin Parlamentar të Ligjeve se është e domosdoshme që të rriten kriteret profesionale të licencimit dhe të ushtrimit të këtij profesioni.

Sipas propozuesve të ndryshimeve, ndërmjetësimi i detyrueshëm do ulë kostot gjyqësore për qytetarët, do të shmangë pagesat e shtrenjta të avokatëve, por edhe do të ulë korrupsionin në gjyqësor.

Lorenc Rabeta/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.