Ndërprerja e kredive prej pandemisë. Maskon një valë të problemeve me borxhin te bankat e Europës
Ndërprerjet e pagesave të kredive në Europë prej pandemisë, që arrijnë miliarda euro, rrezikojnë përpjekjen e bankave të rajonit për të kaluar pandeminë. Disa prej miliona huamarrësve që i’u dha shtyrje e afatit të pagesave nga bankat dhe qeveritë, kërkojnë përsëri lehtësime, pasi karantina e dytë po godet tregun e punës. Sa më gjatë të shtyhen ripagesat, aq më i madh është problem për bankat, ndërkohë që fryhet borxhi dhe bëhet më i vështirë për t’u trajtuar. Shefi i mbikëqyrjes i Bankës Qendrore Europiane, Andrea Enria, ka paralajmëruar për një valë gjigante të kredive të papaguara që mund të arrijnë 1.4 trilionë euro dhe ka bërë thirrje që të mos vonohet pranimi i humbjeve.
Pavarësisht se volume i kredive në ndalesë ra ndjeshëm gjatë verës, një sondazh i Reuters tregoi se kreditë me një vlerë prej 320 miliardë euro në total, janë ende në shtyrje të pagesave tek 10 bankat më të mëdha të Europës. Në Irlanda, bankat nisën të përfundojnë shtyrjen e kredive në Shtator. Borxhi i individëve në Europë, qoftë për shtëpi, makina apo pajisje shtëpiake, ndodhet në rekord të lartë, sipas të dhënave të Bashkimit Europian. Konsumatorët në Britani, Francë dhe Gjermani, kanë marrë thuajse 20% më shumë hua se zakonisht. Kur ndërprerja e pagesave u përhap në valën e parë të koronavirusit, huadhënësit u përgatitën për humbje, me rezultatet financare të 10 bankave më të mëdha që treguan se kanë vendosur 45 milionë euro për të mbuluar koston e kredive të papaguara. Një analistë e kredive që janë ende në pushim tek 10 bankat më të mëdha, tregojnë se disa mijëra prej tyre po vonojnë ende rikthimin e ripagesave mujore.
Tek bankat përfshihen Snatander, HSBC, Barclays, Societe Generale, BNP Paribas, ING, Intesa, UniVredit, Deutsche Bank dhe Credit Agricole. Për bankat që po përpiqen të shmangin ditët e errëta të krizës së borxhit 1 dekadë më parë, ka patur një akt balancimi mes përmbushjes së kërkesave të qeverive dhe mos rrezikimit të librit të kredive. “Duhet të sigurohemi se do lejojmë të gjithë të kalojnë këtë fazë”,- tha Philippe Brassac, ekzekutivi i Credit Agricole, që ka rreth 24 miliardë euro kredi në ndërprerje të pagesave, duke premtuar mbështetjen e konsumatorëve nga karantina. Santanderi në Spanjë ka 39 miliardë euro kredi në ndalesë dhe ka caktuar 9.6 miliardë euro provigjone për borxhin e papaguar, ndërsa Intesa, me 48 miliardë euro kredi në pushim, ka caktuar vetëm 2.7 miliardë euro provigjone këtë vit.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.