Ndërprerje energjie më 11 dhe 12 shkurt – OSHEE: Shkak, punimet në kabina. Zonat e Tiranës që preken

Ditën e hënë dhe të martë, datë 11 dhe 12 shkurt disa zona të Tiranës do të mbeten pa energji elektrike. Ndërprerja e energjisë sipas Operatorit të Shpërndarjes së Energjisë Elektrike do të bëhet për shkak të punimeve në kabina ku po instalohet rrjeti 20 kV.

Më konkretisht, ditën e hënë gjatë intervalit kohor 09:00-14:00 do të stakohet energjia elektrike në kabinën ‘Selita 4’, ku si rrjedhojë do të mbetet pa energji rruga ‘Medar Shtylla’ pjesërisht.

Ndërkohë, ndërprerje do të ketë edhe në zonën e Farkës më 11 dhe 12 shkurt.

“Në datat 11-12 Shkurt, për shkak të punimeve për mirëmbajtjen e rrjetit, do të stakohet energjia elektrike në transfomatorin e fuqisë 110/10kV 20MVA në nënstacionin Farkë. Punimet do të kryhen gjatë intervalit kohor 09:00-14:00.
Pa energji do të mbeten: Mullet, Ibë, Gurrë, Pëllumbas, Sauk, Lundër, Vishnje”, thuhet në njoftimin e OSHEE-së.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.