Ndërprerjet e furnizimit me energji – ERE miraton rregulloren, i hapet rruga instalimit të burimeve dytësore
Enti Rregullator i Energjisë ka miratuar rregulloren që përcakton procedurat dhe kushtet teknike për instalimin e një burimi dytësor të furnizimit me energji elektrike, në rastet kur ndërpritet furnizimi kryesor nga rrjeti.
Procesi për miratimi e saj nisi që në muajin nëntor të vitit 2019, teksa sipas ERE ajo kaloi në një process konusltimi me të gjitha palët e interesuara. Ndërkaq, sipas dokumentit, çdo klient që dëshiron të instalojë një burim dytësor duhet të njoftojë Operatorin e Sistemit të Shpërndarjes të paktën 30 ditë përpara lidhur me synimin e tij për këtë instalim, ndërkohë që pjesë e njoftimit janë një sërë dokumentesh që lidhen me përshkrimin e detajuar të burimit dytësor, përshkrimin e sistemeve të kontrollit , skemat elektrike të instlimit dhe lidhjes, etj. Ndërkohë që, OSSH-ja miraton kërkesën e paraqitur brenda 7 ditëve nga paraqitja e këtij dokumentacioni.
Menjëherë pas përfundimit të instalimit të burimit dytësor, klienti duhet të njoftojë me shkrim OSSH-në, ndërkohë që lidhja me rrjetin e shpërndarjes do të mund të bëhet vetëm pas përfundimit të testimeve dhe nëse nga ana e OSSH-së nuk ka asnjë vërejtje. Sipas vendimit të Entit Rregullator, brenda datës 30 prill 2021 OSSH duhet të bëjë vlerësimet përkatëse për kostot lidhur me instalimin e burimeve dytësore, si dhe t’i paraqesë ato pranë këtij dikasteri për shqyrtim.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.