Sa e sigurt është rimëkëmbja e Kinës pas luftës me Covid-19? Ngrihen dyshime pasi jeta i rikthehet normalitetit

Ndërsa Shtetet e Bashkuara dhe pjesa tjetër e botës ndodhet ende e bllokuar për shkak të pandemisë  së koronavirusit, Kina duket se po i rikthehet normalitetit me kujdes. Kufizimet në  qarkullim janë  duke u lehtësuar dhe duke filluar nga java që  vjen njerëzit që  ndodhen në Wuhan të  izoluar pë r më  shumë  se dy muaj, do të mund të  dalin nga qyteti. Por edhe pse jeta po i rikthehet normalitetit, zyrtarët mes frikës për një valë të dytë të virusit, kanë paralajmëruar banorët e qytetit të mos dalin shumë .

Por ndërsa Kina duket se po e kapërcen betejën me virusin, pyetje të  reja lindin, që  kanë të bëjnë pikërisht me vërtetësinë  e kësaj rimëkëmbjeje. A janë të besueshme shifrat që raportohen lidhur me numrin e të prekurve me Covid-19?

Kjo ishte një  hipotezë  e hedhur poshtë  menjëherë , nga zëdhënësja e Ministrisë së Jashtme kineze, Hua Chunying, duke thënë se vendi ka qënë mjaft transparent në publikimin e të dhënave.

“Për sigurinë e shëndetit ndërkombëtar, ne duhet të dëgjojmë Organizatën Botërore të Shëndetit dhe ekspertë mbi epidemiologjinë dhe kontrollin e sëmundjeve sesa të mbështetemi në  hipotezat e disa politikanëve që janë gënjeshtarë të zakonshëm,” tha ajo. “Në fakt, një zyrtar i lartë i OBSH-së ka kundërshtuar akuzat e pajustifikuara mbi të dhënat jo-transparente të Kinës në një konferencë shtypi në Gjenevë.”

Ajo akuzoi zyrtarët në SHBA se po përpiqeshin të “zhvendosin fajin” për shkak të “situatës së rëndë” me të cilën po përballet vendi.

“Eshtë imorale dhe çnjerëzore të politizohet shëndeti publik, i cili duhet të dënohet nga të gjithë në SHBA dhe më gjerë,” shtoi Hua. “Shpresoj se ata nuk do të humbasin më kohë dhe do të përqëndrohen në luftimin e pandemisë dhe shpëtimin e jetës së  qytetarëve amerikanë .”

Sidoqoftë, nuk janë vetëm Shtetet e Bashkuara të  Amerikës, ato që kanë  dyshime në  lidhje me këtë situatë. Caixin, një botim kryesor i biznesit kinez, raportoi më parë se kishte mijëra më shumë viktima, të dorëzuara në Wuhan sesa llogariteshin nga numri zyrtar i vdekjeve

Zyrtarët kinezë gjithmonë kanë hedhur poshtë çdo sugjerim që të dhënat e tyre nuk janë të sakta. Ata gjithashtu theksojnë shumë shkallën e rikuperimit të vendit, duke theksuar se nga rreth 82,000 të infektuar që rezultojnë  se janë infektuar në Kinë, rreth 76,000 kanë mbijetuar nga sëmundja.

Mirëpo në vend ende qarkullon frika e ‘’rasteve asimptomatike”, ku shumë  njerëz që janë të infektuar nga sëmundja nuk e dinë ende nëse e kanë, por sërish mund ta përhapin virusin te të tjerët. Kjo gjendje rrit frikën për një valë të  dytë të mundshme të virusit në  Kinë , pasi njerëzit kanë rifilluar të udhëtojnë  dhe të rikthehen në punë .

Në një deklaratë, shefi i Partisë Wuhan, Wang Zhonglin paralajmëroi banorët që të vazhdojnë të praktikojnë masat parandaluese dhe të dalin vetëm kur është e nevojshme. Gjithashtu masa të rrepta janë ende në  fuqi për të gjithë ata të huaj që vijnë në vend, pasi asgjë ende nuk është e sigurtë.

Elefteria Zguri/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.