Ndërsa rastet vazhdojnë të rriten OBSH paralajmëron: Imuniteti i tufës ‘nuk është një opsion’
Organizata Botërore e Shëndetësisë (OBSH) vendosi ti japë fund idesë së lejimit të përhapjes masive të COVID-19 për të arritur imunitetin e tufës të hënën, duke e quajtur idenë “shkencërisht dhe etikisht problematike”.
Me rastet, shtrimet në spital dhe vdekjet në rritje në të gjithë Europën dhe pjesën tjetër të botës, Drejtori i Përgjithshëm i OBSH-së Tedros Adhanom Ghebreyesus sfidoi idenë e synimit të imunitetit të tufës pa vaksinime.
“Imuniteti i tufës është një koncept i përdorur për vaksinimin, në të cilin një popullatë mund të mbrohet nga një virus i caktuar nëse arrihet një prag vaksinimi,” i tha ai një konference për shtyp. “Me fjalë të tjera, imuniteti i tufës arrihet duke mbrojtur njerëzit nga një virus, jo duke i ekspozuar ata ndaj tij. “Asnjëherë në historinë e shëndetit publik imuniteti i tufave nuk është përdorur si një strategji për t’iu përgjigjur një shpërthimi, e lëre më një pandemi,” shtoi ai.
Më shumë se një milion njerëz kanë vdekur në të gjithë botën që kur zyra e OBSH-së në Kinë raportoi shpërthimin e sëmundjes në fund të dhjetorit. Shumë vende tani po vendosin në mënyrë të vazhdueshme kufizime dhe masa të reja për të përballuar valën e dytë të virusit që ka shëprthyer tashmë kudo. (Euronews)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.