Ndërtimet informale, Gjermeni: 4.943 objekte janë legalizuar për periudhën Janar-Shkurt 2017
“Për periudhën Janar-Shkurt 2017 kemi legalizuar 4.943 objekte”. Kështu ka shkruar në një postim në rrjetin social Facebook, ministrja e Zhvillimit Urban, Eglantina Gjermeni, ku ndër të tjera shprehet: “Ne e nisëm këtë vit të ri pune me realizimin e një prej angazhimeve tona më madhore në Programin tonë qeverisës 2013 – 2017 atë të legalizimit në zonat masive informale”, shkruan Gjermeni.
Nga ana tjetër, ministrja e Zhvillimit Urban shkruan se në 32 muaj janë legalizuar rreth 100 mijë objekte pa leje.
“Shifra rekord e legalizimit të afro 100 mijë objekteve në vetëm 32 muaj është sukses i punës dhe përkushtimit të stafit të ALUIZNI-t dhe padyshim bashkëpunimit dhe besimit të qytetarëve”, shkruan Gjermeni.
Po kështu ministrja ka përmendur edhe procesin e legalizimeve në Sukth, Durrës e Shijak.
“Me mbi 3 mijë leje legalizimi që shpërndamë në fundjavë në Sukth mbyllëm përfundimisht legalizimin e ndërtimeve pa leje në zonat informale në bashkitë Durrës e Shijak”, shkruan Gjermeni.
Me mbi 3 mijë leje legalizimi që shpërndamë në fundjavë në Sukth mbyllëm përfundimisht legalizimin e ndërtimeve pa leje…
Posted by Eglantina Gjermeni on Monday, March 6, 2017
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.