Ndërtimi i hoteleve me 4 dhe 5 yje, Ministria e Turizmit: Ka interes, deri më tani janë 9 aplikime
9 është numri total i aplikimeve për ndërtimin e hoteleve me 4 dhe 5 yje në vendin tonë, që prej miratimit të ligjit i cili siguron lehtësira fiskale për këtë kategori.
Sipas burimeve nga ana e Ministrisë së Turizmit dhe Mjedisit duket se hapat e ndërmarrë së fundmi nga qeveria po zgjojnë interesin e investitorëve për ndërtimin e strukturave të tilla.
Por pavarësisht kësaj deri më tani asnjë projekt nuk është konkretizuar. Ndërkohë që kjo kornizë ligjore lehtësuese nga ana financiare ka tërhequr vëmendjen e shumë investitorëve të tjerë të cilët vijojnë aplikimet për statusin “investitor strategjik” ku shumë prej tyre janë rrëzuar nga komiteti i investimeve strategjike dhe vetëm tre kanë arritur të plotësojnë kushtet.
Strategjia për turizmin 2018-2020, nisur nga interesi i shtuar i turisteve, kryesisht nordik, vitet e fundit, të cilët dëshirojnë të vizitojnë vendin tonë parashikon ndërtimin e të paktën 5 resorteve me 4 dhe 5 yje, por që ende nuk ka nisur zbatimi i ndonjë projekti.
Golemi vijon të mbetet epiqendra e turizmit për momentin pasi është i vetmi qark që ofron dhe numrin më të lartë të shtretërve, rreth 2 mijë të tillë.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.