‘Ndihma ekonomike të paligjshme për linjat ajrore kombëtare’ – Gjykata Europiane vendos kundër akuzës nga Ryanair

Gjykata Europiane e Drejtësisë (ECJ) vendosi kundër Ryanair të Mërkurën, duke deklaruar se mbështetja COVID-19 e dhënë konkurrentëve të linjës ajrore nga vendet e tyre nuk ishte e paligjshme.

Linja ajrore irlandeze kishte argumentuar se paratë e shëptimit që vendet e BE-së u dhanë transportuesve të tyre ajror nga pandemia ishte në kundërshtim me rregullat e ndihmës shtetërore të BE-së. GJED vendosi se nuk ishte kështu.

Një zëdhënës i Ryanair tha në përgjigje se “gjykimet e sotme e vendosin procesin e liberalizimit në transportin ajror 30 vjet mbrapa, duke lejuar Finlandën, Danimarkën dhe Suedinë t’i japin transportuesve të tyre kombëtar një mbështetje ekstra mbi konkurrentët më efikas, bazuar thjesht në kombësinë”.

Qeveria e Finlandës i ka ofruar një ndihmë shpëtimi Finnair në shumën prej 1.2 miliardë euro ndërsa SAS ka përfituar nga 1.3 miliardë euro në mbështetje nga Danimarka dhe Suedia.

Transportuesit e tjerë që kanë marrë mbështetje nga qeveritë kombëtare përfshijnë Air France (10.6 miliardë euro), Lufthansa të Gjermanisë (11 miliardë euro), Alitalia të Italisë (3.5 miliardë euro) dhe TAP të Portugalisë (1.2 miliardë euro) ndër të tjera.

Bashkimi Europian ndalon shumicën e ndihmave shtetërore sepse thotë se u jep kompanive një avantazh të padrejtë dhe shtrembëron konkurrencën. Por Brukseli zbuti disa nga rregullat e tij përballë shkatërrimit ekonomik të shkaktuar nga kriza globale e shëndetit.

Ndërsa kombet në të gjithë botën mbyllën kufijtë e tyre dhe vendosën bllokime të rrepta për të frenuar përhapjen e virusit vdekjeprurës, industritë e udhëtimit dhe aviacionit u goditën veçanërisht rëndë. Sipas Eurocontrol, organizata europiane për sigurinë e lundrimit ajror, trafiku ajror brenda-europian ra me 54% vitin e kaluar ndërsa trafiku me pjesën tjetër të botës ra me 59%.

Kjo bëri që linjat ajrore europiane të regjistrojnë humbje neto prej 22.2 miliardë eurosh në vitin 2020. Aeroportet ndërkohë kanë humbur 33.6 miliardë të ardhura. (EN)

E. S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.