Ndihma të tjera për linjat ajrore – Komisioni në SHBA miraton 14 mld USD për firmat e goditura nga pandemia
Një komision në dhomën e Përfaqësuesve në SHBA, miratoi propozimin për t’i dhënë linjave ajrore një tjetër mbështetje prej 14 miliardë dollarë, që është pjesë e një pakete më të madhe të Covid-19, që po negociohet në Kongres. Kjo do të jetë mbështetja e tretë për industrinë e goditur nga pandemia.
American Airlines dhe United Airlines kanë paralajmëruar për rreth 27,000 të larguar nga puna, nëse nuk zgjerohet paketa aktuale që skadon më 1 Prill. Komisioni i Shërbimeve Financiare i Dhomës së Përfaqësuesve, miratoi me 29 pro dhe 23 kundër ndihmë prej 14 miliardë dollarë për linjat ajrore deri për Shtatorin.
Fondet do të përfshihen në paketën prej 1.9 trilionë dollarë të ndihmave të pandemisë, që është propozuar nga presidenti Joe Biden.
Përfaqësuesja e dhomës, Nancy Pelosi tha se pret që politikanët të përfundojnë legjislacionin deri në fund të Shkurtit. American Airlines deklaroi pas votimit të komisionit se programi i mbrojtjes së pagave, që mbulon pagat e punonjësve dhe ndalon shkurtimet nga puna, ka mbajtur në këmbë kompaninë. Linjat ajrore amerikane kanë shpenzuar miliona dollarë rezerva çdo ditë, ndërkohë që pandemia ka goditur udhëtimet ajrore.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.