Ndikimi i Trump te tregu i aksioneve – Dow Jones është ende në rritje me 3,700 pikë që prej ditës së inagurimit

Presidenti i Shteteve të Bashkuara, Donald Trump,  ka përmendur performancën e fortë në tregjet e kapitalit që kur mori detyrën, si një prej arritjeve të tij.

Pavarësisht se kritikët e tij kanë theksuar rënien e madhe të Dow Jones gjatë kohëve të fundit,  indeksi ka ende hapësirë për të rënë deri sa të arrijë nivelin që kishte gjatë inagurimit të Donald Trump.

“Mendoj që tregu i aksioneve do të ketë performancë të fortë. Kur mora detyrën tregu i kapitaleve ishte në nivele tejet të ulëta”, tha Donald Trump gjatë javës.

Dow Jones ra me 724 pikë të Enjten, pas nënshkrimit të memorandumit ekzekutiv nga Trump, se do të vendosë tarifa në mbi 60 miliardë dollarë mallra kinezë.  Të premten ra përsëri, me 425 pikë.

Që nga niveli rekord i arritur në datën 26 Janar, prej 26,616 pikësh, indeksi ka rënë me më shumë se 3,000 pikë, apo 11.6%, duke prekur 23,533 në fund të javës.

Në datën 20 Janar 2017, dita e inagurimit të presidentit, Dow Jones u mbyll në 19,827 pikë, që nënkupton se ka ende hapësirë me 3,700 pikë deri sa optimizmi i gjeneruar nga Trump të zhduket.

Klevis Llaha/SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.