Ndikimi i vaksinimit në sektorin turistik – Vathi: Duhet bashkëpunim në nivel ndërkombëtar mbi vaksinat

Vaksinimi mbetet shpresa për rimëkëmbjen e sektorit turistik pas goditjes  nga pandemia. Në një interviste për Televizionin Scan, Operatori turistik, Besnik Vathi, tha se ky proces duhet të sigurohet jo vetëm brenda vendit, por edhe jashtë duke nënvizuar si të rëndësishëm  bashkëpunimin mes qeverive të vendeve të ndryshme.

Vathi u ndal te situata aktuale e sektorit dhe premtimet elektorale duke u shprehur se turizmi ka nevojë për stimuj financiarë.

Sipas Vathit, Shqipëria ende konsiderohet nga disa shtete si vend me rrezikshmëri të lartë, gjë e cila na penalizon. Vathi shtoi se sektori mund ti rikthehet normalitetet në vitin 2022, vetëm nëse merren masat e duhura  nga qeveria.

Nertila Doko / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.