Ndotja e ajrit – Bie me më shumë se 45% në qytetet kryesore të Europës

Ndotja e ajrit ka rënë me më shumë se 45% në krahasim me vlerat e vitit 2019 në disa qytete europiane pasi masat e kufizimit të koronavirusit i kanë mbajtur njerëzit në shtëpi.

Në Paris, niveli i dioksidit të azotit ka rënë me 54%, sipas hulumtimeve që u publikuan nga Instituti Meteorologjik Mbretëror i Holandës (KNMI).

Shkencëtarët në Institutin Holandez, duke përdorur instrumentin e Agjencisë Hapësinore Copernicus Tropomi, krahasuan përqendrimet e dioksidit të azotit nga 13 Mars deri në 13 Prill 2020 me ato në 2019 gjatë të njëjtës periudhë.

Ata gjetën ulje të ngjashme në qytetet anembanë bllokut, me Madridin, Milanon dhe Romën që raportuan një rënie prej rreth 45%.

Ekziston një diferencë e konsiderueshme e gabimit prej 15% në lidhje me këto llogaritje, të cilat mund t’i atribuohen kryesisht kushteve të ndryshme të motit dhe luhatjeve të mëdha në normën ditore të dioksidit të azotit. Kështu, ata llogaritën një mesatare të përqendrimeve gjatë një periudhe 15-ditore.

Dioksidi i azotit është një ndotës që prodhohet nga aktiviteti industrial, siç është udhëtimi rrugor dhe ajri.

Mund të ketë ndikime domethënëse në shëndet: Organizata Botërore e Shëndetit (OBSH) vlerëson se ndotja e ajrit të ambientit kontribuoi në mbi 7% të vdekjeve globale në 2016. (euronews)

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.