Ndriçohet rruga e plazhit të Shëngjinit! Hapet tenderi 5 milion lekësh
Objektivi i përgjithshëm i projektit është sistemimi i zonës turistike për rritjen e cilësisë se jetesës për banoret/vizitoret dhe lidhja e kësaj zone me rrjetin ekzistues. Rruga ekzistuese është trajtuar si një rruge kryesore urbane pasi ka një trafik te larte. Aty kalojnë makina te tonazhit te mesëm dhe mjete te transportit publik.
Tenderi i hapur sot nga Bashkia Lezhë ka një vlerë investimi prej 5´116´468 leke me TVSH.
Për ndriçimin e rrugës Shëngjin-Kune do të realizohet vendosja e 61 copë shtyllave në krahun perëndimor te rrugës me gjatësi 1200 ml.
Segmenti i rrugës Shëngjin-Kune që do të ndriçohet, paraqet një rruge urbane te sistemuar me dy korsi për makinat, një korsi parkimi (në Perëndim) dhe me trotuare ne te dy anët. Kjo rrugë përveç peshës qe ka ne qarkullimin e mjeteve, ka edhe rolin e një shëtitoreje mjaft te frekuentuar veçanërisht ne sezonin turistik.
Ndërhyrja e fundit në këtë aks rrugor është bërë në vitin 2015 dhe aktualisht paraqitet ne gjendje relativisht te mire por përmirësimi i ndriçimit të saj është i domosdoshëm.
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.