Ndryshime të tjera në qeveri/ Peleshi rikthehet si ministër Mbrojtje. Xhaçka si kryediplomate ndërsa ikën Cakaj
Gent Cakaj ka dhënë dorëheqjen ndërsa Niko Peleshi është rikthyer në kabinetin qeveritar, tashmë si ministër Mbrojtje.
Olta Xhaçka lë detyrën si ministre e Mbrojtjes për të marrë atë të Ministres së Jashtme. Kanë qenë këto ndryshimet në kabinetin qeveritar. Këto ndryshime vijne vetëm pak kohë pas dorëheqjes së ministrit të Brendshëm Sandër Lleshaj dhe zëvëndësimit të tij me Bledi Çuçin.
Ky i fundit, i la detyrën e ministrit të Bujqësisë Milva Ekonomit që u rikthye në kabinet sërish.
“Pas një periudhe intensive pune në kryesimin e OSBE si edhe punës së madhe me përkushtim e profesionalizëm të Gent Cakajt si ministër në detyrë, ky është momenti për t’ia kaluar bashkarisht stafetën Olta Xhaçkës që të kryejë detyrën e ministres për Europën dhe Punët e Jashtme. Dua ta falenderoj me mirënjohje Gentin jo vetëm për dinjitetin në kryerjen e detyrës së derisotme, po edhe për gatishmërinë e plotë për të vijuar përpjekjen e përbashkët, duke u rikthyer në kabinetin e kryeministrit. Ndërkohë Niko Peleshi do të drejtojë ministrinë e mbrojtjes” njofton Kryeministri Rama.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.