Ndryshimet në krye të Doganave shqiptare/ Kush është drejtori i ri Genti Gazheli
Këshilli i Ministrave ka miratuar vendimin për ndryshimin e Drejtorit të Përgjithshëm të Doganave.
Gjon Bardhi është liruar nga kjo detyrë për t’u zëvëndësuar nga Genti Gazheli.
Po kush është drejtori i ri i Doganave?
Genti Gazheli është diplomuar për Financë dhe ka kryer një serë trajnimesh e kursesh në universitetet jashtë vendit për këtë fushë. Para se të merrte këtë detyrë, ai ka mbajtur funksionin e ambasadorit të Shqipërisë në Turqi.
Ai ka punuar më herët në Drejtorinë e Përgjithshme të Doganave si inspektor e përgjegjës sektori deri në vitin 2005. Në vitin 2013 ai ka marrë detyrën e drejtorit të Drejtorisë së Parandalimit të Pastrimit të Parave.
Po ashtu, ai ka mbajtur edhe funksione politike si kryefinanciar në Partinë Socialiste apo si anëtar i Këshillit Bashkiak të Tiranës.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.