Ndryshimi dhe deklarimi i vendbanimit – Zyrat e Gjendjes Civile, hapur edhe të shtunën e të dielën

Ministria e Punëve të Brendshme njofton se të gjitha zyrat e Gjendjes Civile do të jenë të hapura për punë edhe këtë fundjavë në datat 22 dhe 23 Korrik, për të lehtësuar regjistrimin e vendbanimit.

Kjo procedurë kryhet pranë zyrave të gjendjes civile, nën jurisdiksionin e së cilës ndodhet banesa. Dokumentet e nevojshme janë kërkesa për ndryshimin ose deklarimin e vendbanimit, e cila duhet të shoqërohet nga dokumentet e mëposhtme:

• fotokopje të letërnjoftimit për çdo person madhor, anëtar të familjes;
• dokumentin e pronësisë së banesës, ose kontratë qeramarrje / huadhënieje / përdorimi / banimi, apo çdo dokument tjetër të ligjshëm të parashikuar nga legjislacioni në fuqi, që i jep shtetasit të drejtën e përdorimit të banesës

Duke nisur nga data 28 Korrik 2017, pas periudhës 6-mujore të amnistisë për çdo mosdeklarim të ndryshimit të vendbanimit do të aplikohet masa e gjobës prej 10. 000 (dhjetë mijë) lekësh.

MPB u bën thirrje të gjithë shtetasve që nuk kanë të regjistruar adresën e banimit, të kryejnë sa më shpejt këto procedura.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.