Ndryshon Kodi Rrugor/ Kolaudimi i mjeteve të reja 1 herë në 3 vite! Çfarë parashikohet për taksitë e ambulancat
Në Kuvend është depozituar për shqyrtim njëpaketë ndryshimesh në Kodin Rrugor. Një prej ndryshimeve që reflektohet është edhe ai që lidhet me kolaudimin teknik të mjeteve të transportit. Referuar ndryshimit, të gjitha mjetet, që qarkullojnë dhe hyjnë në territorin e Republikës së Shqipërisë, janë të detyruara të kalojnë në kontroll teknik.
Për mjetet e reja me motor, kontrolli teknik do të kryhet brenda tre vjetëve nga data e regjistrimit të parë. Pas kësaj periudhe ky kontroll kryhet për çdo dy vjet.
Mjetet e kategorisë M1, të përdorura si taksi dhe ambulanca si dhe mjetet e kategorive M2, M3, N2, N3, O3, dhe O4 kryejnë kontroll teknik çdo vit.
Mjetet e reja të kategorisë M1, të përdorura si taksi dhe ambulanca si dhe mjetet e kategorive M2, M3, N2, N3, O3, dhe O4 kryejnë kontroll teknik brenda një viti nga data e regjistrimit të parë dhe më pas çdo vit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.