Ndryshon leximi i faturave, Rama: Lehtësi të tjera për konsumatorët e energjisë

Skema e leximit të faturave për abonentët e energjisë elektrike do të ndryshojë me qëllim shmangien e abuzimeve nga ana e lexuesve dhe reduktimin e mbifaturimeve që shpesh herë kanë qenë objekt ankesash për qytetarët.

Gjatë një takimi me përfituesit në nevojë të skemave lehtësuese të OSHEE, Kryeministri Edi Rama theksoi se projekti i leximit kompjuterik ka filluar dhe do të ecë paralel me procesin e regjistrimit të popullsisë.

Kryeministri Rama njoftoi ndër të tjera se do të vijojë lehtësimi për shtresat në nevojë si pensionistët, personat me ndihmë ekonomike, ata me aftësi të kufizuar, etj.

Për Ministrin e Energjisë, Damian Gjiknuri, një ndër sfidat kryesore mbetet përmirësimi i shërbimit për abonentët e rregullt.

Aktualisht janë rreth 435 mijë konsumatorë që kanë lidhur aktmarrëveshje me Operatorin  e Shpërndarjes së Energjisë Elektrike për pagesën me këste të detyrimeve të prapambetura.

Elisabeta Dosku/RTV SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.