Ndryshon ligji i ekstradimit, hyn në lojë SPAK – Thjeshtohen procedurat, grupe te përbashkëta hetimore, marrëveshje për ndarjen e pasurive të konfiskuara

Nga krijimi i një regjistri elektronik ku do skedohen të gjithë të dënuarit jashtë Shqipërisë, te lehtësimi i procedurave të ekstradimit, te krijimi i grupeve të përbashkëta hetimore, e deri te marrëveshjet për ndarjen e pasurive të konfiskuara, të cilat mund do mund të përfitohen nga shteti shqiptar apo të ndahen me shtetin ku ndodhet subjekti. Një listë e gjatë ndryshimet janë miratuar Në ligjin nr. 10 193, datë 3.12.2009, “Për marrëdhëniet juridiksione me autoritetet e huaja në çështjet penale”, ku bie në sy hapësira që i është dhënë SPAK për të kërkuar ekstradime dhe në mënyrë të veçante për të bashkëvepruar me agjencitë ndërkombëtare e shteteve të ndryshme për hetime të përbashkëta.

Ndryshimet përcaktojnë se dorëzimi ose ndarja e pasurisë së konfiskuar kryhet nëpërmjet marrëveshjeve dypalëshe për dorëzimin e pasurisë së konfiskuar mes shtetit kërkues dhe shtetit të kërkuar në zbatim të vendimit të gjykatës së huaj, të njohur dhe të ekzekutueshëm sipas legjislacionit në fuqi për njohjen e vendimeve penale të huaja.

Një prej pikave kyçe të ndryshimeve ka të bëjë me krijimin e skuadrave të përbashkëta hetimore. Një prej pikave të reja përcakton se me propozim të prokurorit, drejtuesi I prokurorisë përkatëse nëpërmjet Prokurorit të Përgjithshëm ose drejtuesi i Prokurorisë së

Posaçme mund të kërkojnë krijimin e skuadrave të përbashkëta hetimore në rastet kur: a) hetimet për një vepër penale kërkojnë kryerjen e veprimeve veçanërisht komplekse ose të vështira dhe që kanë lidhje edhe me një shtet tjetër; ose b) një ose disa shtete të tjera janë duke kryer hetime për vepra penale për të cilat rrethanat e çështjes kërkojnë kryerjen e veprimeve hetimore të bashkërenduara ose të përbashkëta në të gjitha vendet e tjera.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.