Ndryshon qarkullimi në qendër – Bashkia e Tiranës nis fazën e dytë të punimeve

Bashkia e Tiranës njofton se do të ndryshojë plani i lëvizjes së automjeteve, për të mundësuar përfundimin e projektit në sheshin “Skënderbej”, brenda afatit të caktuar. Për shkak se projekti i rikualifikimit urban ka hyrë në fazën e dytë të punimeve, prej mbrëmjes së sotme (e mërkurë), qarkullimi i automjeteve do të ndryshojë si më poshtë:

Ndalohet qarkullimi në segmentin e rrugës “Çamëria”, nga kryqëzimi me Rr. “Ibrahim Rugova” deri në sheshin “Skënderbej” (segmenti para selisë së Partisë Socialiste). Qarkullimi i automjeteve, do të bëhet në rrugën “Ibrahim Rugova” në kryqëzimin me rrugën “Çamëria”, drejtim i detyruar drejt.

Qarkullimi i automjeteve në segmentin e Rr. “Ibrahim Rugova”, nga “Myslym Shyri” deri te bulevardi “Gjegj Fishta” (segmenti para Taiwan), do të jetë me një drejtim lëvizjeje, sipas sensit veri-jug.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.