Në 11 muaj, vlera e mallrave të tregtuara nga Shqipëria arriti 870 miliardë lekë! INSTAT: 52,0 % e tyre u transportua me det

Në periudhën janar-nëntor 2019, vlera e mallrave të tregtuara (eksport dhe import) është 870,3 miliardë lekë. Referuar të dhënave të publikuara nga INSTAT, 52,0 % e tyre u transportua me det.

Eksportet e mallrave

Në Nëntor 2019, mallrat e eksportuara me det zënë 58,8 %, me rrugë 40,5 % dhe me ajër 0,3 %. Mallrat e eksportuara me rrugë janë ulur me 7,3 %, krahasuar me të njëjtën periudhë të vitit paraardhës. Në njëmbëdhjetëmujorin e vitit 2019, mallrat e eksportuara me det zënë 59,1 %, me rrugë 39,2 % dhe me ajër 0,5 %. Në njëmbëdhjetëmujorin e vitit 2019, mallrat e eksportuara me rrugë janë rritur 3,1 %, krahasuar me të njëjtën periudhë të vitit 2018

Importet e mallrave

Në Nëntor 2019, mallrat e importuara me det zënë 46,1 %, me rrugë 45,6 % dhe me ajër 3,8 %. Mallrat e importuara me rrugë në Nëntor 2019 janë ulur me 4,1 %, krahasuar me të njëtën periudhë të vitit 2018.

Në njëmbëdhjetëmujorin e 2019, mallrat e importuara me det zënë 48,6 %, me rrugë 43,5 % dhe me ajër 3,1 %.

Mallrat e importuara me rrugë janë rritur me 1,6 %, krahasuar me të njëjtën periudhë të vitit paraardhës.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.