Në ditën e tij të lindjes, ja “shpikjet” që i janë atribuar gabimisht Ajnshtajnit!
14 Mars 2020 është dita e parë ndërkombëtare e matematikës dhe zgjedhja e kësaj date ishte e detyrueshme pasi Pi-ja Greke ishte festuar tashmë në këtë ditë prej dekadash. Rastësisht ka edhe një përvjetor tjetër shkencor për të festuar sot: Ditëlindjen e Albert Ajnshtajnit, i lindur më 14 mars 1879.
Çfarë mund të thoshte Ajnshtajni për urgjencën në të cilën ndodhemi? Nuk është aq e çuditshme të pyesësh, duke pasur parasysh që në artikuj, në media sociale, në fjalimet e politikanëve, dhe personazheve të ndryshëm të njohur në mbarë botën përdoren shpesh citime nga figura të tilla si Ajnshtajni për mënyrën se si të përballojmë situatën e krijuar. Por në të vërtetë shumë nga shprehjet apo thëniet që ne përdorim si të ishin të tijat, në realitet nuk janë aspak të vërteta. Më konkretisht ja cilat janë “shpikjet” më të rëndësishme që i janë atribuar gabimisht Ajnshtajnit:
- “Nëse një ditë bletët do të zhdukeshin, njeriut i duheshin vetëm katër vjet për të jetuar”
- “”Nëse Zoti ekziston, nga vjen e keqja?” (legjenda sipas së cilës profesori ateist pyet një nxënës që presupozohej të ishte vet Ajnshtajni).
- “Vetëm dy gjëra janë të pafundme: universi dhe marrëzia njerëzore ”
- “Ne të gjithë jemi gjeni. Por nëse gjykoni një peshk për aftësinë e tij për t’u ngjitur në një pemë, ai do të jetojë gjatë gjithë jetës duke menduar se është budalla”.
Edhe për ata që nuk marrin aspak vesh nga fizika Ajnshtajni mbetet edhe sot një figurë shumë e dashur për të gjithë dhe ndoshta pikërisht për këtë e citojmë edhe për aforizma që ai nuk i ka thënë kurrë. Por sidoqoftë mbeten ende shumë të tilla të cilat mund ti përdorim në jetën e përditshme si përshembull: “Për të më ndëshkuar për përbuzjen time për autoritetin, Fati më bëri një autoritet”. (Wired)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.