“Ne duhet të mbrojmë veten” – Gjermania pranon se BE tashmë po ndërton një ushtri ‘të bashkuar’
Ministrja e mbrojtjes e Gjermanisë ka zbuluar se një ushtri e përbashkët kontraverse evropiane “tashmë po merr formë” – falë aleatëve të saj francezë.
Gjermania dhe Franca tani janë “forcat lëvizëse” në mbrojtjen evropiane dhe ata do të qëndrojnë së bashku përballë çdo sulmi të tokës, tha Ursula von der Leyen.
Politikania gjithashtu goditi ata që kritikojnë skemën e mbrojtjes së PESCO të Bashkimit Evropian – ku liderët ushtarakë kombëtarë zotohen të bashkëpunojnë me njëri-tjetrin, shkruan “The Sun”.
PESCO – që qëndron për Bashkëpunim të Përhershëm të Strukturuar – përfshin 25 ushtri që punojnë së bashku me njëri-tjetrin.
Ajo këmbënguli që vendet kishin nënshkruar “jo sepse ne po ndjekim kërkesat nga Brukseli, por vullnetarisht, sepse përfitimet janë të qarta dhe sepse është në interesat e sigurisë të Evropës”.
Në gazetën gjermane Handelsblat shkruan: “Ne po bëjmë përparim të mirë. Pavarësisht nga Brexit dhe nga debatet kontraverse midis evropianëve, Evropa mbetet një krijim unik, që bashkon gjysmë miliardë qytetarë në emër të lirisë dhe prosperitetit. Kjo bashkësi duhet të jetë në gjendje të mbrojë veten.”
Lajmi vjen pas raportimit se Gjermania po planifikon të rekrutojë mercenarë të huaj të BE-së për të rritur numrin e ushtarëve si pjesë e një përpjekjeje për të qetësuar kërkesat e NATO-s nga Donald Trump.
Vendi u zotua së fundmi për të rritur shpenzimet e mbrojtjes dhe për të rritur forcat e saj të armatosura nga 179,000 në 198,000 trupa aktive deri në vitin 2024.
Por ushtria gjermane – Bundesëehr – ka luftuar për të mbushur radhët e saj pavarësisht nga një rekrutim i kohëve të fundit.
Dhe tani thuhet se po shqyrton sjelljen e shtetasve nga vende të tjera evropiane për të kapërcyer hendekun.
Rreth 25,000 polakë, 185,000 italianë dhe 155,000 rumunë, të moshës 18 deri në 40 vjeç, jetojnë në Gjermani, tha revista Der Spiegel, duke cituar një dokument qeveritar.
Nëse vetëm 10 për qind e tyre mund të tundoheshin për t’u regjistruar, kjo mund të gjeneronte 50,000 aplikantë të rinj, tha ministrja.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.