Në janar, përshkallëzim i protestës – Studentët: Jemi lodhur, por nuk dorëzohemi. Qytetarët të na bashkohen

Janari pritet të  nisë me protesta  masive të studentëve  të cilët  edhe pse më të paktë në numër shprehen se  janë të vendosur  për të çuar deri në fund  kauzën e tyre pavarësisht përpjekjeve, sipas tyre, të kryeministrit për të ndërhyrë duke zhvilluar takime  pa lajmëruar në auditore. Në ditën  e 15 të protestës  studentët nga fakultete të ndryshme  kanë vijuar të qëndrojnë para kryeministrisë  duke  bërë thirrje për plotësimin  e kërkesave të tyre.

Të rinjtë shprehen për SCAN se  janë të lodhur  nga pritja e gjatë  po kjo nuk  do ta zbeh  protestën e cila pritet të përshkallëzohet pas festave të fundvitit. Studentët  bëjnë thirrje që  t’u bashkohen edhe qytetarë të tjerë

Prej ditësh  senatet akademike të universiteteve  zhvillojnë mbledhje  duke  deklaruar se janë në mbështetje të studentëve . Fakulteti i Ekonomisë  përmes një deklaratë prej 12 pikash  garantoi të rinjtë se nuk do të paguajnë tarifat e shkollimit deri në plotësimin e plotë e 8 kërkesave, zerimin e tarifave të brendshme, shtyrjen e sezonit për shkak të situatës dhe afatit të procedurave për bursa, transparencë financiare , rivlerësim të cilësisë së portofolit akademik etj. Po ashtu edhe Fakulteti i Shkencave të Natyrës shprehet i gatshëm për analizimin dhe evidentimin e problematikave dhe adresimin e tyre drejt institucioneve ligjvënëse dhe ligjzbatuese.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.