Në Kinë rikthehet murtaja! – Autoritetet japin alarmin se mund të ketë epidemi
Autoritetet në një rajon autonom në veri të Kinës kanë lëshuar një paralajmërim shëndetësor pasi një fermer lokal zbulohet se ka kontraktuar murtajën.
Sipas New York Times, bariu u raportua në një gjendje të qëndrueshme pasi u konfirmua se kishte kapur sëmundjen.
Zyrtarët shëndetësorë në Bayan Mur, një qytet në Mongolinë e Brendshme, të dielën lëshuan një alarm të nivelit të tretë, sipas Reuters, i cili është i dyti më i ulët nga katër nivelet.
Alarmi ndalon gjuetinë ose ngrënien e kafshëve të egra që mund të mbartin sëmundjen. Vendasve u është thënë gjithashtu të raportojnë gjetjen e ndonjë kafshë të sëmurë dhe të ngordhur, si dhe njerëz që tregojnë shenja të etheve ose vdekje të papritur.
“Aktualisht, ekziston rreziku i një përhapje të epidemisë njerëzore në këtë qytet. Publiku duhet të përmirësojë vetëdijësimin dhe aftësinë e tij për vetë-mbrojtje dhe të raportojë menjëherë kushtet anormale të shëndetit,” tha autoriteti lokal shëndetësor, sipas gazetës China Daily .
Murtaja bubonike është një sëmundje tejet e transmetueshme e shkaktuar nga një infeksion bakterial dhe ishte shkaku i Vdekjes së Zezë, e cila përfshiu pjesën më të madhe të Azisë, Evropës dhe Afrikës në shekullin e katërmbëdhjetë dhe mori jetën e 50 milion njerëzve.
D.B – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.