Në luftë me varfërinë, Ruçi: Të dyfishohet ndihma ekonomike, transparencë për pikëzimin
Të dyfishohet masa e ndihmës ekonomike si dhe të bëhet transparencë për mënyrën se si pikëzohen familjet që përfitojnë ndihmën ekonomike.
Këto ishin disa nga rekomandimet që bëri kryetari i Kuvendit Gramoz Ruçi me qëllim zbutjen e varfërisë në vend, gjatë një tryeze diskutimi me aktorë të ndryshëm.
Më tej kreu i Kuvendit ka kërkuar edhe ndëshkim për të gjithë pronarët që abuzojnë me deklarimin e pagës minimale.
Si dhe ka bërë apel që qeveria të subvencionojë rreth 400 mijë persona që merren me bujqësinë, me kushtin që ata të bëhen pjesë e skemës së kontributeve.
Një familje në ndihmë ekonomike në vendin tonë mund të përfitojë nga 3 -8 mijë lekë sipas kategorizimit të bërë nga instancat përkatëse.
Një problematik tjetër është fakti se ndihma ekonomike shpërndahet në bazë të anëtarëve të familjes e jo në bazë të shkallës së varfërisë që e karakterizon atë.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.