Në mbarim “oferta” për dividentin – Bizneset nxitojnë të paguajnë, rriten të ardhurat në buxhet
Bizneset kanë afat më pak se dy javë për të paguar me 8 për qind tatimin mbi fitimet e pashpërndara, të realizuara në vitet 2017 e më parë, pasi pas datës 30 Shtator do të kthehet tatimi normal prej 15 për qind. Referuar të dhënave zyrtare të Ministrisë së Financave, në 8 muajt e parë të vitit kompanitë e mëdha kanë shfrytëzuar “ofertën” e qeverisë dhe kanë paguar tatim mbi dividentin në masën e 196 milionë lekëve apo 1.6 milionë euro, dhe rreth 6 herë më shumë se sa plan i parashikuar për këtë periudhë, ky synohej të mblidheshin 30 milionë lekë nga ky burim të ardhurash.
Ndërsa në raport me një periudhë më parë, tatimi i paguar është thuajse 8 herë më shumë, pasi në Janar-Gusht 2018 u mblodhën vetëm 200 mijë euro. Ndërkaq, Tatimi mbi dividentin për fitimet e pashpërndara të realizuara në vitin 2018, përfshirë rezervat dhe fitimet e kapitalizuara, u aplikua në shkallën tatimore 8%, për pagesat e kryera brenda datës 20 gusht 2019.
Ulja e tatimit mbi dividentin u vendos në paketën fiskale 2019, për shkak se një pjesë e madhe e kompanive i kishin ngrirë fitimet e tyre, duke mos dashur që të paguanin 15 për qind. Ndërsa në 7 muajt e parë të vitit, shpërndanë 540 milionë euro divididentë me një rritje të konsiderueshme krahasimisht me një vit më parë. Kjo masë u kundërshtua nga opozita me argumentin se po favorizohen oligarkët.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.