Në Napoli hapet stacioni më i bukur i metrosë në botë. ANSA: Një mrekulli që të lë pa frymë. Hyrja aty, si astronauti kur sheh tokën nga hëna
I rikthehet shkëlqimi sheshit Nicola Amore në zemër të napolit. Pas pothuajse 20 vitesh punimesh, muajin e ardhshëm vihet në funksion një prej stacioneve metropolitan më tërheqëse në botë. Në qendërn historike të qytetit arkitekti Massimiliano Fuksas dhe bashkëshortja e tij Doriana Mandrelli kanë firmosur projektin futurist të stacionit të metrosë “Duomo”. ANSA e cilëson projektin si një “nga ato mrekullitë që të lë pa frymë”.
Bëhet fjalë për një kupolë xhami transparent të realizuar me çelik, zbritja drejt binarëve është e ngjashme me ecjen e një astronauti që sheh tokën nga hëna dhe shikon fazat e ditës që ndryshojnë. Drita vjen nga kupola lart dhe në fakt bën që stacionit t’i ndryshojnë edhe ngjyrat. Vonesa në realizimin e projektit lidhet me faktin se në zonë, gjatë gërmimeve, janë bërë zbulime arkeologjike.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.