Në përpjekje për të kapur të gjithë Pokemonë-t, dikush sapo pagoi 420 mijë dollarë në ankand për një kartë! Ekzistojnë dhe 121 të tilla në botë!
Karta e rrallë e Pokémon Base Set 1999 Shadowless edicioni i parë Holo Charizard u shit javën e kaluar në ankandin Premier të Marsit PWCC. “Shitja vendos rekordin e të gjitha kohërave për një kartë Charizard të setit bazë”, tha shtëpia e ankandeve në një deklaratë.
Ajo që e bën kartën kaq unike është klasifikimi i saj i përsosur PSA 10 Gem Mint. Edhe pse ka 3000 kopje të kartës, sipas PWCC, vetëm 121 i është dhënë ai emërtim. “Kjo është një kartë ku kërkesa vazhdon të jetë më e madhe se oferta,” tha Jesse Craig, drejtor i zhvillimit të biznesit për PWCC.
Loja me letra, e bazuar në ekskluzivitetin e njohur mediatik Pokémon, ka tërhequr koleksionistë nga e gjithë bota, me shumë që paguajnë shifra më të lartë për karta të rralla. “Pokémon është marka kryesore mediatike në botë dhe Charizard është ‘mbretëresha’ e asaj marke. Është një pasuri që mbledhësit e Pokémon dhe jo Pokémon e dinë dhe duan ta kenë,” tha Craig.
Një kartë edicionit të parë të vitit 1999 Pokemon Charizard Nr. 4 u shit në fillim të këtij muaji për 336,000 dollarë nga Heritage Auctions. Ai gjithashtu kishte një klasifikim PSA 10 Gem Mint. Vitin e kaluar, një kartë Pokemon Japanese Topsun Charizard Blue Back e vitit 1995, gjithashtu me klasifikim PSA 10 Gem Mint, u shit për 493,230 dollarë nga Goldin Auctions. CNN
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.