Në prag të negociatave/Mogherini: Politika të bashkëpunojë. Rama: Zgjedhjet më 30 qershor, të padiskutueshme
Negociatat me Bashkimin Europian në qershor kanë qenë kryefjala e konferencës së përbashkët për shtyp të BE-së Federica Mogherini dhe kreut të qeverisë, Edi Rama. Mogherini nënvizoi sukseset e Shqipërisë në tre shtyllat kryesore që e bëjnë më se të mundshëm çeljen e negociatave që janë reforma në drejtësi, reduktimi i kanabisit dhe goditja e grupeve kriminale. Ajo ju referua një sondazhi të fundit mbi vullnetin e shqiptarëve për t’u bërë pjesë e Bashkimit Evropian dhe i kërkoi politikës shqiptare ta ketë qëllim të përbashkët këtë aspiratë.
Nga ana e tij, Kryeministri Edi Rama tha se Shqipëria i ka bërë detyrat dhe do të jenë vetëm interesat politike të vendeve të veçanta që mund ta pengojnë çeljen e negociatave.
I pyetur lidhur me krizën e brendshme politike, kreu i Qeverisë Edi Rama tha se mazhoranca është e bindur në respektimin e ligjeve dhe se zgjedhjet në 30 qershor do të zhvillohen, pavarësisht se forca të caktuara politike mund të vendosin të dalin jashtë sistemit.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.