Në prag të sanksionit të vendosur nga Trump, dorëhiqet shefi ekzekutiv i TikTok
Shefi ekzekutiv i TikTok, Kevin Mayer ka braktisur aplikacionin e ndarjes së videove përpara një sanksioni të afërt të vendosur nga presidenti amerikan Donald Trump.
Firma me pronësi kineze është akuzuar si kërcënim për sigurinë kombëtare të SHBA nga administrata Trump. Mayer u bashkua me TikTok në maj pasi la rolin e tij si shefi i shërbimeve streaming të Disney.
TikTok-ut iu dha 90 ditë për t’u shitur në një firmë amerikane ose për t’u përballur me një sanksion në SH.B.A.
“Javët e fundit, pasi mjedisi politik ka ndryshuar ashpër, unë kam bërë reflektim të rëndësishëm në atë që do të kërkojnë ndryshimet strukturore të korporatave dhe çfarë do të thotë për rolin global për të cilin kam firmosur”, tha Mayer në një letër për punonjësit.
“Përkundër këtij sfondi, dhe siç presim të arrijmë një zgjidhje shumë shpejt, është me zemër të rëndë që doja t’ju njoftoja të gjithë se kam vendosur të largohem nga kompania,” shtoi Mayer.
“Ne e vlerësojmë që dinamika politike e muajve të fundit ka ndryshuar ndjeshëm atë që do të kishte qenë fushëveprimi i rolit të Kevin, dhe do ta respektojmë plotësisht vendimin e tij. Ne e falënderojmë atë për kohën e tij në kompani dhe i urojmë mbarësi,” u shpreh një zëdhënës i kompanisë TikTok.(BBC)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.