Në prag të sezonit turistik, hapet njëri krah i bypassit të Fierit
Kryeministri Edi Rama së bashku me ministren e Infrastrukturës dhe Energjisë, Belinda Balluku, kanë inspektuar punimet në bypassin e Fierit, duke konfirmuar se është hapur zyrtarisht njëra korsi e tij për lëvizjen e automjeteve.
“Më në fund historia e pafundme e ngërçit të rrugës së Fierit gjatë sezonit turistik, merr fund me hapjen e njërës anë të bypass-it, duke e lehtësuar shumë ndjeshëm qarkullimin drejt jugut dhe anasjelltas”, ka shkruar në faqen e tij zyrtare të Facebook Kryeministri.
Në nëntor pritet të hapet krahu tjetër i bypass-it, ndërsa komplet punimet do të finalizohen sipas kontratës në shkurt 2020.
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.