Në Shqipëri për pushime, por jo për biznes – Vizitat turistike të të huajve “përmbysin” vizitat e biznesit
Në pjesën e parë të vitit, ka pasur rënie të vizitave të biznesit në vend! Sipas raportit më të fundit të Institutit të Statistikave, hyrja e shtetasve të huaj në Shqipëri me qëllim biznesi dhe profesional është 43 mijë e 791.
Ndërkaq, në periudhën janar – qershor 2020, edhe pse me kufizimet e COVID, hyrjet për biznes në Shqipëri numëroheshin 52 mijë e 930.
Nga ana tjetër, për gjysmën e parë të vitit, vihet re se ndërsa kanë rënë vizitat e biznesit, janë rritur ato turistike.
Sipas raportit të Instat, në periudhën janar – qershor 2020, në Shqipëri ka pasur 699 mijë e 77 hyrje të shtetasve të huaj me qëllim pushimi, vizita te të afërmit, trajtim shëndetësor, etj.
Ndërkaq, për po të njëjtën periudhë të 20210, kjo shifër shkoi në 1 milion e 580 mijë e 166.
Jenida Vladi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.