Në verë gjenden kudo. Por ku shkojnë mushkonjat në dimër?!

Në verë ata shfaqen shumë qartë, por në dimër çfarë bëjnë mushkonjat? Ata fshihen dhe kalojnë në një gjendje të ngjashme me letargjinë.

Çfarë bëjnë mushkonjat në dimër? Ato fshihen. Meqenëse nuk mbijetojnë nën 23 gradë, me ardhjen e dimrit mushkonjat e rritura përballen me sezonin në “diapauzë”, një gjendje në të cilën organizmi kalon në gjendje vegjetacioni: insekti nuk lëviz, nuk ushqehet, nuk rritet. Në këtë gjendje “letargjike”, mushkonja arrin të mbijetojë gjatë dimrit (jo më vonë se gjashtë muaj), e strehuar në vende të izoluara të tilla si zgavra natyrore (shpella, trungje të zbrazëta) ose të bëra nga njeriu (garazhe, bodrume, apartamente të vogla të frekuentuara, papafingo).

Culex pipiens, specia më e zakonshme në Mesdhe dhe Anopheles përballen me diapauzën, ndërsa mushkonja tigër (Aedes albopticus), me origjinë tropikale, nuk mund ta bëjë këtë. Është më lehtë për vezët të mbijetojnë: ato i rezistojnë çdo temperature për tu çelur në pranverë. Nuk është rastësi që femrat, në vjeshtë, lëshojnë më shumë vezë.

Me pak fjalë, mushkonjat në dimër presupozohet të zhduken, por rritja e temperaturave mesatare dhe ardhja e specieve të reja rezistente ndaj ftohjes, të tilla si Aedes japonicus (nga Japonia) dhe Aedes koreicus (nga Korea), po e shtyn pak më shumë momentin kur ato dalin në pension. Kështu që i gjejmë ato deri në fund të tetorit dhe, nganjëherë, nëse kushtet janë të favorshme, madje edhe në dimër. Focus

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.