Negociatat për në BE, Vlahutin: Keni përpara një vit të vështirë, duhet konsensus real
Vendi ynë ka një vit të vështirë para deri në datën e hapjes së negociatave dhe forcat politike duhet të bashkohen për një qëllim të vetëm. Ky ka qenë mesazhi i dhënë nga ambasadorja e Bashkimit Europian në Shqipëri, lidhur me hapat që duhet ndërmarrë Shqipëria për të realizuar rekomandimet e Këshillit të Europës. Ndërsa, eurodeputeti Knut Fleckenstein tha se derisa të hapët dera për integrimin e Shqipërisë ka mbi 150 kushte.
“Integrimi Evorpian nuk është për ata që kanë axhenda të fshehta, duhet bashkim kombëtar, sepse pa këtë, ky është një proces i vështirë, thuajse i pamundur. Duhet tu provoni shteteve skeptike se po bëni reforma. Keni shumë miq aty dhe e vetmja gjë që duhet të ndodhë në vitin në vijim, është të përshpejtohet ky motorr. Do të jetë një vit i vështirë sepse keni edhe zgjedhjet vendore vitin e ardhshëm. Duhet një konsensus i mirëfilltë dhe real. Mos shihni se sa kapituj keni hapur, por përqendrohuni tek kapitujt që keni mbyllur”, deklaroi Romana Vlahutin, Ambasadore e BE në Shqipëri.
“Sigurisht që na duhet të përmendim se nuk është rezultati që na bën që të kërcejmë dhe prandaj kjo është arsye që s’po kërcejmë sot. Mendoj se ka ende shumë gjera për të bërë. Ka mbi 150 kushte të tjera përpara sesa dera të hapet një ditë. Pra ka shumë punë, prandaj ne themi vazhdoni, nxitoni dhe të paktën kemi një vendim tani për hapjen e këtij procesi. Kjo është më e rëndësishme. Kjo nuk do të thotë se këto brenda të ketë luftëra të ndryshme për mënyrën si duhet të lexohet ligji elektoral. Si partnerë afatgjatë koalicioni ju e dini sa e vështirë është të gjendet kompromisi ndonjëherë brenda koalicioneve dhe e vështirë është të gjendet kompromisi edhe në parlament. Dhe nuk besoj se kjo është një rast specifik për Shqipërinë, është histori e njohur për Shqipërinë. Por keni të drejtë nuk është bërë gjëja në mënyrë që të festojmë tani, gjithsesi rezultati është pozitiv”, deklaroi eurodeputeti Knut Fleckenstein.
Ministri për Europën dhe Punët e Jashtme tha se këtë muaj do të nisë puna analitike për kapitujt 23 dhe 24. Bushati u shpreh se një vit është e mjaftueshme për të përfunduar punën përgatitore.
Palët ishin pjesëmarrës në aktivitetin e organizuar nga fondacioni “Friedrich Ebert” me temë “Çfarë e pret Shqipërinë mbas konkluzioneve të Këshillit të BE për çështjet e përgjithshme: Pritshmëritë dhe detyrat.”
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.