Nënshkruhen 5 marrëveshje rajonale Bujqësia, “pika e fortë” e bashkëpunimit Shqipëri-Serbi-Maqedoni e Veriut

Shqipëria, Serbia dhe Maqedonia e Veriut kanë nënshkruar pesë marrëveshje  të rëndësishme në kuadër të nismës “Ballkani i hapur” të cilat konsistojnë në liberalizimin e tregut të punës, ndërlidhjen e skemave të identifikimit elektronik, në lehtësitë doganore si dhe bashkëpunim në fushën e bujqësisë e veterinarisë. Krerët e të tre shteteve i kushtuan vëmendje të veçantë sektorit bujqësor, duke vënë theksin në faktin se bashkëpunimi rajonal në këtë fushë do ta bëjë bujqësinë më konkurruese në Bashkimin Europian, do të rrisë cilësinë e produkteve si dhe do të ndikojë në zhvillimin e ekonomive të tre vendeve.

Presidenti i Serbisë, Aleksandër Vuçiç, vuri theksin në potencialin që ka bujqësia për rritjen e shkëmbimeve tregtare mes vendeve si dhe mbështetjen e sektorit përmes inteligjencës artificiale.

Ndërsa kryeministri i Maqedonisë së Veriut, u përqendrua në rolin që luan bujqësisë në ekonomitë e Ballkanit Perëndimor, ku përbën mbi 12 për qind të Prodhimit të Brendshëm Bruto.

Marrëveshjet do të bëhen aktive nga Janari i vitit të ardhshëm dhe  pritet të kenë ndikim pozitiv marrëdhëniet ndërkufitare.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.