Nënshkruhet kontrata me SHBA për pajisjen e Forcës Ajrore shqiptare me “Black Hawk” – Xhaçka: Krah për krah me aleatin tonë strategjik
Ministrja e Mbrojtjes, Olta Xhaçka ka njoftuar mëngjesin e sotëm nënshkrimin e kontratës me SHBA për për pajisjen e Forcës Ajrore me helikopterë të tipit “Black Hawk”.
“Sot, me ambasadoren Yuri Kim nënshkruam kontratën e pranimit për pajisjen e Forcës Ajrore me helikopterë të tipit “Black Hawk”, financim i përbashkët i dy qeverive. Krah për krah me aleatin tonë strategjik për fuqizimin dhe modernizimin e Forcave tona të Armatosura. Shtetet e Bashkuara të Amerikës, mbështetësi i Shqipërisë në momentet më kyçe të historisë treguan sërish se janë në krah të vendit tonë edhe në këto kohë të vështira të pandemisë,” është shprehur Xhaçka.
Sipas njoftimit të ministres helikopterët “Black Hawk” që shumë shpejt do të jenë pjesë e Forcës tonë Ajrore, investimi kolosal në Bazën e Kuçovës, sistemi i radarëve pas marrëveshjes me kompaninë amerikane Lockeed Martin, janë tregues se Forca Ajrore shqiptare dhe Forcat e Armatosura po ringrihen me hapa të sigurt.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.