Nënshkruhet marrëveshja Shqipëri – Kosovë për kontrollet e përbashkëta doganore
Ditën e sotme është nënshkruar marrëveshja Shqipëri-Kosovë për kontrollet e përbashkëta doganore.
Ministrat e Brendshëm të Shqipërisë dhe Kosovës kanë nënshkruar marrëveshjen për ngritjen e pikave të përbashkëta të kalimit kufitar, ndërmjet Republikës së Shqipërisë dhe Republikës së Kosovës dhe kryerjen e veprimtarive të përbashkëta të kontrollit kufitar.
Ministri i Brendshëm, Sandër Lleshaj theksoi se kjo marrëveshje ishte vetëm 50% i asaj që duhet bërë dhe se synimi është që së shpejti të eliminohet tërësisht kontrolli midis Shqipërisë edhe Kosovës gjë për të cilën sipas ministrit është duke u punuar për tu realizuar sa më shpejt.
Marrëveshja e nënshkruar do të thotë se shtetasit, automjetet dhe mallrat, të cilët hyjnë ose dalin nga territori i Shqipërisë dhe Kosovës, do t’i nënshtrohen vetëm një herë kontrolleve të përbashkëta nga autoritetet përkatëse përgjegjëse, kjo, bazuar në parimin “Një ndalesë, një kontroll”.
I pranishëm në marrëveshje ishte edhe Kryeministri i Kosovës.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.