Nëse do të pushoni në Greqi këtë verë, duhet të bëni kujdes ndaj mushkonjave që mund të mbajnë virusin vdekjeprurës të Nilit Perëndimor
Autoritetet shëndetësore të vendit thanë se virusi është bërë një ‘çështje e shëndetit publik’ pasi më shumë se 300 njerëz janë infektuar vitin e kaluar. Simptoma të djegies, ndjesi të përzierjes dhe skuqja e lëkurës janë shenja të zakonshme të infeksionit, për të cilat nuk ka vaksinë, por që zakonisht ikën vetvetiu. Por kjo mund të jetë edhe vdekjeprurëse dhe të shkaktojë meningjit, konvulsione ose dobësi në disa njerëz, rreth 50 shtetas grekë vdiqën nga sëmundja në 2018.
“Ka pasur raste të mjaftueshme për të ditur se kjo është tani një çështje e shëndetit publik“, tha Danai Pervanidou, zëdhënës i Qendrës Helenike për Kontrollin dhe Parandalimin e Sëmundjeve. Në Greqi vitin e kaluar u diagnostikuan 316 raste të virusit të Nilit Perëndimor, çka përbën një rekord lartë. Infeksioni nuk mund të përhapet mes njerëzve por kapet vetëm nga pickimet e mushkonjave. Shumica e njerëzve që e marrin atë nuk tregojnë simptoma që në momentin e parë por ato mund të bëhen serioze me kalimin e kohës.
Pervanidou shtoi: “Virusi është vendosur në Greqi përmes zogjve emigrues dhe ne jemi duke rekomanduar që të gjithë të marrin masa mbrojtëse personale siç janë veshjet e gjata, duke shmangur vendet me ujë të ndenjur dhe duke përdorur rrjeta kundër mushkonjave. Ai tha se virusi është përhapur nga zonat rurale në qytetin e Selanikut dhe rajonin e Athinës. Njerëzit e parë ishin të infektuar nga mushkonjat gjatë muajit maj, sepse kjo sëmundje zakonisht bartet nga shpendët e egër.
Zyra e Qeverisë së Mbretërisë së Bashkuar për Jashtë dhe Komonuelth ka shtuar një paralajmërim të shkurtër për rrezikun në faqen e saj të internetit. Ajo thotë: ‘Në Greqi më 2018 kishte më shumë se 300 raste të virusit të Nilit Perëndimor. “Ju duhet të konsideroni masat parandaluese për të minimizuar ekspozimin ndaj mushkonjave, për shembull duke përdorur kremra anti-mushkonja dhe mbyllur dyert ose dritaret“. Virusi i Nilit Perëndimor rrallë prekë udhëtarët nga Mbretëria e Bashkuar, sipas NHS, dhe askush nuk e ka kapur ndonjëherë atë në vend. Njerëzit duhet të kërkojnë ndihmë mjekësore nëse dallojnë simptomat jashtë vendit, sepse njerëzit e moshuar, foshnjat dhe diabetikët mund të jenë në rrezik më serioz ballë kësaj sëmundjeje.
Burimi: Dailymail
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.