Nëse e keni kartëmonedhë të vjetër në shtëpi, jeni ende në kohë ta dorëzoni e të merrni 100% të vlerës! Ka elementin e njohjes nga të verbërit
Kartëmonedha 500 Lekë, emetim i serisë të vitit 1991, prezantoi për herë të parë elementin e njohjes nga të verbrit në kartëmonedhat shqiptare. Kjo seri përbëhej nga prerjet: 100, 200, 500, 1000 dhe 5000 Lekë.
Më poshtë paraqitet vizatimi i kartëmonedhës 500 Lekë, shtypur në shtypshkronjën e Bankës së Shqipërisë dhe rishtypur në vitin 1996 me të njëjtat karakteristika si e mëparshmja.
Kjo kartëmonedhë ka pasur kurs ligjor deri më 30 qershor 2010, por nëse ju ka mbetur ndonjë prej tyre në shtëpi, jeni ende në kohë për t’i dorëzuar në çdo sportel të bankave tregtare kundrejt këmbimit me 100% të vlerës, në të gjithë territorin e vendit deri më 31 dhjetor 2023.
Burimi: Banka e Shqipërisë
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.