“Nëse keni një foto printojeni, po shkojmë drejt një Mesjete digjitale”! Alarmi i “babait” të internetit
Teknologjia digjitale po rrezikon ta transformojë shekullin e 21-të në një Mesjetë të re, një epokë thuajse e paaksesueshme për historinë. Vinton Cerf, një nga “baballarët e internetit” sot zëvëndëspresidenti i Google, ku punon prej 10 vitesh paralajmëron për “vrimën e zezë” drejt se cilës pa vetëdije çdo ditë i shtyjmë dokumentet tona më të shtrenjta (tekste, fotografi, video) që flasin për jetën tonë por edhe dokumente ligjore, dëshmi, informacione të vlefshme për atë që në shekullin e ardhshëm ose shekujt e tjerë do të kërkojë të kuptojë diçka për ne dhe për historinë tonë.
Në vitet që vijnë historianët do të kthejnë kokën pas për të studiuar erën tonë dhe do të gjenden përballë një shkretëtire digjitale të ngjashme me Mesjetën, një epokë për të cilën dijmë relativisht pak për shkak të mungesës së dokumenteve të shkruara. “Këshilla ime është që nëse keni foto që i keni përzemër vërtetë, krijoni kopje fizike për to. Printojini” shprehet Cerf.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.