“Nëse shtetet hapen në mënyrën e duhur, vala e dytë e infeksioneve mund të shmanget”, thotë këshilltari i Shtëpisë së Bardhë
Një valë e dytë e shpërthimit të koronavirusit në Shtetet e Bashkuara “mund të ndodhë” por nuk është “e pashmangshme”, tha këshilltari shëndetësor i Shtëpisë së Bardhë, Dr. Anthony Fauci të Mërkurën.
Sh.B.A mund të parandalojë një valë tjetër të Covid-19 për sa kohë që shtetet hapen “saktë”, tha Fauci të mërkurën në mëngjes në një intervistë për CNN. “Mos filloni të bëni diskutime mbi rekomandimet e disa prej udhëzimeve sepse kjo është me të vërtetë tunduese dhe mund të hapë telashe.”
Fauci, drejtor i Institutit Kombëtar të Alergjisë dhe Sëmundjeve Infektive dhe një anëtar i forcës së detyrës koronavirus të Presidentit Donald Trump, ka paralajmëruar më parë se amerikanët duhet të përgatiten për mundësinë e një valë të dytë të koronavirusit në vjeshtë, i cili do të shkonte përkrah stinës së gripit.
“Ne do të kemi koronavirus gjatë vjeshtës,” tha Fauci në prill. “Jam i bindur për këtë.”
Ai i tha The Washington Post këtë muaj se nuk ka dyshim se do të ketë valë të reja rastesh.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.