Nesër “Dita pa makina”, rrugët në të cilat ndalohet qarkullimi për automjetet
Ditën e nesërme disa rrugë të kryeqytetit do të jenë të lira vetëm për këmbësorët. Si çdo vit, më datë 22 shtator në Tiranë shënohet “Dita pa Makina”. Aktivitetet do të zhvillohen edhe në 3 zona kryesore: Përgjatë rrugës ‘’Kont Urani’’, segmenti nga rruga ‘’Durrësit’’ deri tek rruga ‘’Mihal Duri’’, do të zhvillohet një minipanair libri me botime mjedisore dhe jo vetëm.
Ndërkohë rruga ‘’Luigj Gurakuqi’’ deri tek sheshi ‘’Avni Rustemi’’, do të shërbejë për promovimin e mjeteve ekologjike të transportit. Gjithashtu edhe disa rrugë në zonën e Ish Bllokut do të kthehen në hapësira shërbimi për njerëzit.
Ja rrugët ku nuk do lejohet lëvizja e mjeteve:
1.“Dëshmorët e Kombit”, segmenti përpara Pallatit të Koncerteve dhe Presidencës;
2.Rruga “Kont Urani” (te klubi “Heminguej”), do të bllokohet hyrja nga rruga e “Durrësit” deri në kryqëzim me rrugën “Mihal Duri”;
3.Rruga “Brigada VIII” deri ne kryqëzim me rrugën “Vaso Pasha”;
4.Rruga “Pjetër Bogdani” nga kryqëzimi me rrugën “Vaso Pasha” deri në kryqëzim me rrugën “Ibrahim Rugova”.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.