Netanyahu paraqitet në gjykatë me akuzën për korrupsion, një muaj para zgjedhjeve kombëtare
Kryeministri izraelit Benjamin Netanyahu ka mohuar akuzat për korrupsion në gjykatë për herë të parë ndërsa rinisi në Jeruzalem gjyqi i tij i shtyrë kaq kohë prej pandemisë.
Ai është kryeministri i parë në shërbim të Izraelit që do të dalë në gjyq, i cili zhvillohet vetëm një muaj para zgjedhjeve.
Netanyahu, 71 vjeç, akuzohet për ryshfet, mashtrim dhe abuzim me besimit në tre çështje të veçanta.
Qindra protestues u mblodhën jashtë gjykatës së rrethit përpara paraqitjes së shkurtër të kryeministrit të hënën në mëngjes, duke bërë zhurmë, duke tundur parulla dhe duke bërë thirrje që ai të jepte dorëheqjen.
Netanyahu u kishte kërkuar mbështetësve që të mos vinin në gjykatë për shkak të kërcënimit të koronavirusit.
Kryeministri arriti në seancë i veshur me një maskë të zezë mbrojtëse. Brenda sallës së gjyqit ai u ngrit për të hedhur poshtë akuzat, para se të largohej brenda 45 minutash ndërsa avokatët e tij vazhduan diskutimet. (BBC)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.